१, हरेक वर्ष अक्टोबर १५ को दिन विश्व हात धुने दिवस मनाउने गरिन्छ । नेपालमा सन् २००८ देखि यो दिवस मनाउन सुरू गरिएको हो ।
२, हरेक वर्ष अप्रिल २९ का दिन अन्तर्राष्ट्रिय नृत्य दिवस मनाउने गरिन्छ । युनेस्को अर्थात् संयुक्तराष्ट्रसङ्घीय शैक्षिक, वैज्ञानिक तथा सांस्कृतिक सङ्घको सहकार्यमा इन्टरनेसनल थिएटर इन्स्टिच्युटको अन्तर्राष्ट्रिय नृत्य समितिद्वारा सन् १९८२ देखि यो दिवस मनाउन सुरू गरिएको हो ।
३, नेपालमा हरेक वर्ष भदौ २० गते मानव बेचबिखन तथा ओसारपसार विरुद्धको राष्ट्रिय दिवस मनाउने गरिन्छ ।
४ नेपालमा हरेक वर्ष फागुन ७ गते आम निर्वाचन दिवस मनाउने गरिन्छ । यसको सुरूवात वि.सं. २०७३ सालदेखि भएको हो ।
५, विश्वमा सर्वप्रथम सन् २०१८ को जुन ३ मा विश्व साइकल दिवस मनाइएको थियो । संयुक्त राष्ट्रसङ्घले सन् २०१८ अप्रिल १२ मा गरेको निर्णय अनुसार यो दिवस मनाइएको हो ।
७, हरेक वर्ष जुन ५ मा विश्व वातावरण दिवस मनाउने गरिन्छ । सन् २०२१ का लागि यस दिवसको अन्तर्राष्ट्रिय नारा ‘पारिस्थितिकीय प्रणालीको पुनस्र्थापना’ र राष्ट्रिय नारा ‘नयाँ सोच र सिर्जना प्राकृतिक प्रणालीको पुनस्र्थापना’ रहेको थियो ।
८, हरेक वर्ष मार्च २१ मा अन्तर्राष्ट्रिय वन दिवस मनाउने गरिन्छ ।
९, नेपालमा पहिलो पटक वि. सं. २०७३ साल पुस २२ गते निर्यात दिवस मनाइएको थियो । निजी क्षेत्रको पहलमा नेपाल निर्यात परिषद्द्वारा नेपाल निर्यात परिषद् स्थापना भएको मितिलाई आधार मानी यो दिवस मनाइएको थियो ।
१०, नेपाल सरकारले हरेक वर्ष जेठ १६ गते राष्ट्रिय महिला अधिकार दिवस मनाउँदै आएको छ ।
११, मुलुकमा वि.सं. २०७५ साल साउन १ गतेदेखि सबै प्रकारका बालश्रम अन्त्य गरी बालश्रमरहित राष्ट्र बनाउने उद्देश्यले १० वर्षे बालश्रम निवारण राष्ट्रिय गुरुयोजना (२०७५–२०८५) लागू गरिएको छ । यस अनुसार वि.सं. २०७९ सम्ममा अमर्यादित र निकृष्ट बालश्रम तथा योजना अवधिमा सबै प्रकारका बालश्रम अन्त्य गर्ने लक्ष्य राखिएको छ ।
0 Comments: